பாவாடை தாவணியில் ஸ்ரேயா! தமிழகத்தில் குட்டி ஃபீவர்?

குட்டிய எப்போ காட்டுவீங்க? மித்ரன் ஜவகரிடம் கேட்டால், இப்போதுதான் பாலிஷ் போட்டுகிட்டு இருக்கோம். சீக்கிரம்... என்கிறார். நாம் சொன்ன குட்டியில் நடிப்பவர்கள் தனுஷ்-ஸ்ரேயா ஜோடி! யாரடி நீ மோகினியில் நயன்தாராவுக்கு பாவாடை தாவணி கொடுத்து தமிழ்நாட்டையே நயன்தாரா காய்ச்சலுக்கு உள்ளாக்கிய மித்ரன் ஆர் ஜவகர், இப்போது குட்டி படத்தில் பிஸியாகிவிட்டார். இந்த முறை இவர் கிளப்பப் போவது ஸ்ரேயா ஃபீவர். "ஒரு பொண்ணுக்கு ஆயிரம் டிரஸ் கொடுங்க. பாவடை தாவணிக்கு இருக்கிற அழகே தனி. குட்டியிலும் பாவாடை தாவணியிலேதான் வர்றாங்க ஸ்ரேயா" என்றார். ஆனால் தாவணிதான் அப்படியே தொடர்கிறதே தவிர, படத்திற்கு முக்கியமான இசையில் ஒரு பெரிய மாற்றம். இந்த படத்திற்கு யுவன் சங்கர் ராஜாவை விட்டு விட்டு தேவி ஸ்ரீ பிரசாத்துடன் கை குலுக்குகிறார் ஜவகர். தமிழ், தெலுங்கு இரு மொழிகளில் படம் தயாரிக்க நினைக்கும் தயாரிப்பாளர்களாகட்டும், இயக்குனர்கள் ஆகட்டும், முதலில் டிக் பண்ணுவது தேவி ஸ்ரீ பிரசாத்தைதான். இரண்டு மொழி டேஸ்ட்டையும் ருசிக்கிற ஆள் அவர். இந்த முறை எனக்கு பிடிச்ச மாதிரியும் இல்லாம, அவருக்கு பிடிச்ச மாதிரியும் இல்லாம ரசிகர்களுக்கு பிடிச்ச மாதிரி ட்யூன் போட்டிருக்காரு. கேட்கதானே போறீங்க என்றார் பெரிய எதிர்பார்ப்புடன். ஒவ்வாரு படத்தையும் மாமனாரிடம் காட்டி, அவரது பாராட்டுதல்களுக்காக காத்திருக்கும் தனுஷ், இந்த முறையும் ரொம்ப ஆர்வமாக இருக்கிறார். மாமனார் ரஜினி குட்டியை பார்த்து குட்டுவாரா? தட்டிக் கொடுப்பாரா? இன்னும் சில மாதங்களில் தெரியும்.