ஹாலிவுட்டின் மிக உயரிய விருதான ஆஸ்கருக்கு, ஸ்லம்டாக் மில்லினியர் படத்துக்காக, இந்திய இசையமைப்பாளர் ஏ.ஆர்.ரஹ்மான் பெயர் இரண்டு பிரிவுகளின் கீழ் மூன்று பரிந்துரைகளைப் பெற்றுள்ளது.
ஏற்கெனவே ரஹ்மான் கோல்டன் குளோப் விருது பெற்ற நிலையில், ஆஸ்கர் பெறுவது உறுதி என்றே சினிமா விமர்சகர்கள் கருத்து தெரிவித்துள்ளனர்.
சிறந்த ஒரிஜனல் ஸ்கோர் மற்றும் இரண்டு பெஸ்ட் ஒரிஜினல் சாங் பிரிவுகளில் ரஹ்மானின் பெயர் பரிந்துரைக்கப்பட்டுள்ளது.
ஸ்லம்டாக் மில்லியனர் படம்.. சிறந்த படம், சிறந்த இயக்குனர், சிறந்த திரைக்கதை உள்ளிட்ட 10 பிரிவுகளின் கீழ் 81-வது ஆஸ்கருக்கு பரிந்துரைக்கப்பட்டுள்ளது.
வரும் பிப்ரவரி மாதம் 22-ம் தேதியன்று ஆஸ்கர் விருது வழங்கும் விழா நடைபெறுகிறது.
ஸ்லம்டாக் மில்லியனர் : 10 பரிந்துரைகள்
1. பெஸ்ட் ஒரிஜனல் ஸ்கோர் - ஏ.ஆர்.ரஹ்மான்
2&3. ஒரிஜினல் சாங் "ஜெய் ஹோ..." பாடல் - ஏ.ஆர்.ரஹ்மான் "ஓ சாயா" பாடல் - ஏ.ஆர்.ரஹ்மான்
4. சிறந்த படம் - ஏ காலண்டர் பிலிம்ஸ் புரோடக் ஷன் - தயாரிப்பாளர் - கிறிஸ்டியன் கோல்சன்
5. சிறந்த இயக்குனர் - டானி போய்ல்6. சிறந்த ஒளிப்பதிவு - ஆன்டனி டோட் மென்டில்
7. சிறந்த அடாப்டட் திரைக்கதை - சைமன் பியூஃபோய்
8. சிறந்த திரைப்பட எடிட்டிங் - கிறிஸ் டிக்கென்ஸ்
9. சிறந்த சவுண்ட் மிக்ஸிங் - ரிச்சர்ட் பிரைகே மற்றும் ரேசுல் பூகுட்டி
10. சவுண்ட் எடிட்டிங் - டாம் சேயர்ஸ்