பிறந்தநாள் கொண்டாட்டமாக குழந்தைகளை தத்தெடுத்தார் ஹன்சிகா

கொலிவுட் நடிகை  ஹன்சிகா, தனது பிறந்த நாளான இன்று குழந்தைகள் இருவரை தத்தெடுத்து அவர்களுக்கான படிப்பு செலவுகளை கவனிக்க உள்ளார்.

கொலிவுட்டில் எங்கேயும் காதல், மாப்பிள்ளை, வேலாயுதம் போன்ற படங்களில் நடித்தவர் நடிகை ஹன்சிகா. ஆரம்பத்தில் நடித்த படங்கள் அனைத்தும் வெற்றி பெற தற்போது கொலிவுட் நடிகைகளில் நட்சத்திர வரிசையில் ஹன்சிகாவும் உள்ளார். இந்நிலையில் இன்று பிறந்த நாள் கொண்டாடும் ஹன்சிகா, ஏதாவது சமூக அக்கறையுள்ள விடயத்தை செய்யவேண்டுமென நினைத்து குடிசை பகுதிகளில் வசிக்கும் இரண்டு குழந்தைகளை தத்தெடுத்துள்ளார். இவர்களுக்கான படிப்பு, மருத்துவம், அன்றாட தேவைகள் உள்ளிட்ட அனைத்து செலவுகளையும் இவரே கவனிக்க உள்ளார். இன்று மாலை தன் நண்பர்கள் மற்றும் குடும்பத்தினருடன் கேக் வெட்டியும் தனது பிறந்தநாளை ஹன்சிகா கொண்டாட உள்ளார்.